Arkeologu, Neritan Ceka i ftuar në emisionin ‘’Ora e Betit’’ në Ora News u shpreh se Hasan Ceka është një nga themeluesit e arkeologjisë moderne shqiptare.
Ceka: Patjetër që një nga objektivat e akademisë së Shkencave është që duke parë drejt së ardhmes, të mos harrojë të kaluarën.
Të kaluarën në të gjitha drejtimet.
Të kaluarën si e kaluar e historisë së popullit tonë por edhe të atyre personave të cilët kanë themeluar shkencat Albanologjike.
Padyshim Hasan Ceka është një nga themeluesit e arkeologjisë moderne shqiptare si pjesë e shkencave Albanologjike.
Duke ardhur i përgatitur nga Vjena, viti 1930 kishte mbaruar studimet edhe u fut në rrugën e Arkeologjisë fillimisht duke mbikqyrur gërmimet arkeologjike në Apoloni.
Pas luftës së dytë botërore pati mundësinë pastaj të hapte rrugën e Arkeologjisë së mirëfilltë shqiptare.
