Në këtë datë lindi Sabiha Kasimati (1912 – 1951), biologe dhe studiuesja e parë shqiptare, një grua që la gjurmë në shkencën e vendit tonë.
Ajo ishte punonjëse shkencore pranë Institutit të Shkencave dhe njihet si shkencëtarja e parë shqiptare. Me përkushtim dhe pasion, Sabiha punoi për studimin e florës dhe faunës së Shqipërisë, duke sjellë kontribute të vyera për biologjinë.
Por jeta e saj u ndërpre tragjikisht. Më 26 shkurt 1951, regjimi komunist e pushkatoi pa gjyq, së bashku me 21 intelektualë të tjerë, nën akuzën e rreme për bombën në ambasadën sovjetike. Viktimat u ekzekutuan në fshatin Mënik të Tiranës dhe u hodhën në një varr masiv, pa u dhënë as familjarëve trupat e tyre.
Sabiha Kasimati mbetet një simbol i kurajos, dijes dhe sakrificës, një figurë që sot nderohet si martire e shkencës dhe e lirisë. /nid/
