Kryetarja e Bashkisë së Shkodrës, Voltana Ademi reagoi pasi u procedua penalisht nga policia për protestën e djeshme të mbajtur në qytet. Ademi tha se faj për organizimin e djeshëm ka Policia e Shtetit, e cila, sipas saj, nuk ka reaguar në kohë.
“Policia Bashkiake ka qënë në punë, protestat janë të ligjshme, unë kam lëvizur me qytetarët nga posta deri te sheshi, qytetarët kanë vepruar në mënyrën më korrekte.
Nuk di kush i organizoi ato sulme. Kërkoj të hetohet çdo gjë që ndodhi dje.
Vijoj të akuzoj Policinë e Shtetit për mos reagim, nuk e kuptoj pse policia duhet të vepronte pas 40 mintash.”
Ndërsa procedimin penal kryebashkiakja e cilësoi sulm politik ndaj saj.
