Copëzat të rrënimit të shtetit në vitin `91, në vitin `97, shpërthimet e Gërdecit dhe nëpër to gjithë siluetat e mbetura të kësaj vorbulle të përsëritur ciklik është thelbi i ‘Vitit Zero‘‘ të Gazmend Lekes si një imazh vetë-shkatërrimi.
Viti Zero i Gazmend Lekës, është një mozaik tragjedish të jetuara në dekadat e fundit. Tablot ku dominon e zeza e grija, përkthyer nga flaka e molotove është një imazh i njohur për shumë prej nesh.
Një imazh ngjethës, në kufijtë e mos-arsyes, ku logjika i la vendin marrëzisë, ndërsa kaosi mbretëronte bashkë me ndjellazinjtë. Imazhe të tilla janë pjellë e politikes, por artisti thotë se i intereson tensioni përkthyer në pikturë.
Si kry-çmendi ai rendit përfshirjen e fëmijëve, ku imazhi i ‘97, vjen si alarm.
Të gjitha pikturat kanë vulën e djallit, përveç njërës ku gjunjëzuar është një nënë në të zeza. Si vizitor i kësaj ekspozitë vjen edhe ish diktatori Hozha në ciklin e vizatimeve imazhet invers, realizuar në dimensione më të vogla në laps.
