Më 6 maj është datëlindja e 619-të e Gjergj Kastriotit e kjo festë do të shënohet me përurimin e shtatores në Gjakovë, përurim që do të bëhet më 4 maj.
Për këtë organizim është njoftuar në rrjetet sociale nga Bajram Kabashi dhe më poshtë e keni të bashkëngjitur njoftimin e plotë.
“Më 4 maj 2024 në Gjakovë përurohet përmendorja e Gjergj Kastriotit, e fiancuar nga Gjergj Prenkoçaj.
Ndërsa pas dy ditësh, më 6 maj 2024 , në Prishtinë, sidomos para përmendores së kryeheroit, do të organizohet një festë e madhe gjithëkombëtare për ditëlindjen e 619-të të Gjergj Kastriotit, festë që e tejkalon përmasën e festimit të ditëlindjes së Arbërorit më të madh që e njeh historia jonë.
Përpos organizatorëve Pal – Islam Idrizit, Basri Bekës e Raif Gashit, që shihen në këtë foto, organizimi do të ketë karakter mbarëkombëtar dhe do të përfshihet në të mbarë atdhetaria shqiptare.
Pothuaj 25 vjet pas çlirimit të Kosovës nga UÇK-ja dhe NATO-ja, më në fund populli shqiptar po i merr punët e kombit në duart e veta…Gëzuar…”.
