Shtetet e Bashkuara të Amerikës janë ndër përkrahësit historik të çështjes shqiptare në rajon. SHBA korigjoi një gabim historik 600 vjeçar të copëtimit të një populli që e nisën otomanët dhe e vazhduan evropianët. Kaq mjafton për një mirnjohje të përjetshme dhe nderim.
Sot në Shtetet e Bashkuara të Amerikës festohet Dita e Pavarësisë, “4 Korriku”.
Kjo është një festë kombëtare në SHBA, e cila mund të festohet disa ditë me radhë. Zakonisht festohet me barbekju, pije dhe fishekzjarre, këto të fundit të rezervuara për në fund të natës, në varësi të faktit nëse është e ligjshme në shtetin federal ku ndodhen festuesit.
Më konkretisht, 4 korriku është data më domethënëse në historinë e SHBA. Në këtë ditë të vitit 1776, u ratifikua Deklarata e Pavarësisë, dokumenti që ndante 13 shtetet origjinale nga Mbretëria e Bashkuar.
Në kohën e ratifikimit të traktatit, lufta për pavarësi nga Mbretëria e Bashkuar tashmë ishte duke u zhvilluar. Filloi në prill 1775 dhe përfundoi në shtator 1783, me një fitore të madhe për qytetarët amerikanë. Ata ishin kombi i parë i madh që u shkëput plotësisht nga sundimi i monarkisë britanike.
Në këtë ditë ka parada në të gjithë SHBA-në, ku veçon New York-u, Bostoni, Uashington, por edhe në shumë qytete të tjera më të vogla.
Ndërsa festa më e madhe jashtë SHBA-ve, pra e pavarësisë amerikane, organizohet prej vitesh në Danimarkë, më saktë në Parkun Kombëtar Rebild në veri të vendit.
Por ndoshta do qe e denjë që në ftesë e madhe me këtë rast të ishte dhe në Shqipëri, nisur nga fakti se nga Uashingtoni ka ardhur njohja e shtetit shqiptar në një kohë të vështirë shtetformimi, si dhe çlirimi i Kosovës plus pavarësia e saj.
Me këtë rast kujtojmë se në folklorin shqiptar ka një këngë ikonike – “Mbahu nënë, mos kij frikë, ke djemtë në Amerikë”.
Intepretuar nga Shkurte Fejza, kjo këngë e viteve ’90 i dedikohej zhvillimeve kosovare të asokohe, por u përfshi dhe në repertorin e mitingjeve të opozitës së sapoformuar në Shqipëri.
