Parlamenti Evropian do shqyrtojë procesin e anëtarësimit të Shqipërisë në Bashkimin Evropian.
Zyrtari i lartë i Parlamentit Europian David Lega shkruan përmes një postimi në Twitter se sot do bëhet miratimit i raportit vjetor për Shqipëriën dhe thekson se do shikohet me hollësi progresi në funksionimin e institucioneve demokratike në vendin tonë.
Postimi i plotë:
Sot në@EP_ForeignAff: miratimi i raportit vjetor #Albania, duke shqyrtuar procesin e anëtarësimit të Shqipërisë. Si@EPPGgroup negociator, do të doja të theksoja se ritmi i aderimit përcaktohet nga progresi në funksionimin e duhur të institucioneve demokratike dhe RoL.
Temat politike më të rëndësishme janë që do të miratohen janë: Negociatat duhet të hapen, por kërkojnë përgatitje, forconi dialogun politik
Kompromisi 2a shpreh keqardhje mbi dështimin për të hapur negociatat e anëtarësimit të vonuara me Shqipërinë dhe Maqedoninë e Veriut, që minon qëndrimin publik ndaj Bashkimit Europian një rrezik serioz për politikën e zgjerimit në tërësi, duke dëmtuar reputacionin e BE-së si një partner i besueshëm dhe aktor serioz gjeopolitik;
Ndaj u bëhet thirrje shteteve anëtare të demonstrojnë angazhim të plotë politik ndaj zgjerimit dhe t’i japin një shtysë të besueshme përpjekjeve reformuese të vendeve të tjera të zgjerimit duke hapur negociatat e anëtarësimit me Shqipërinë dhe Maqedoninë e Veriut, pasi të dyja vendet plotësojnë kushtet për këtë stad.
Në kompromisin 4, Parlamenti Europian kujton se anëtarësimi përfundimtar i Shqipërisë në BE varet nga reforma të qëndrueshme, të thella dhe të pakthyeshme në fusha themelore, duke filluar nga shteti i së drejtës dhe funksionimi i institucioneve demokratike. “Qeveria shqiptare duhet të përshpejtojë përgatitjet administrative për negociatat e ardhshme të anëtarësimit përmes krijimit të strukturave qeveritare koherente dhe efikase për të koordinuar në mënyrë efektive çështjet e integrimit në BE, për të çuar përpara decentralizimin, modernizimin dhe depolitizimin në mbarë vendin e shërbimin civil. Kërkohet forcimi i aftësisë të Këshillit Kombëtar për Shoqërinë Civile për të shprehur prioritetet e organizatave të shoqërisë civile, vendosja e konsultimeve dhe dialogut të duhur publik me shoqërinë, duke përfshirë të rinjtë dhe pakicat” thuhet në këtë kompromis.
