Në rrjetet sociale, është publikuar një video që ka shokuar opinionin.
Rizan Aliu, ka hyrë në një lokal në Kavajë, me vajzën e vogël për dore, dhe ka masakruar fqinjin e tij, Besnik Çelmeta.
Fillimisht e ka goditur me grushta, dhe më pas me thikë. Pamjet janë aq shokuese, sa e bija e Aliut, është larguar e tronditur nga i ati.
Ky i fundit, pasi masakroi komshiun e moshuar, që për fat i mbijetoi dhe është në gjëndje të mirë, ka dalë me thikë në dorë, duke terrorizuar edhe të tjerët në lokal, që kanë pasur frikë të ndërhynin.
Më pas, si të mos kishte ndodhur gjë, dhunuesi është larguar për në shtëpi.
Tashmë ai është shpallur në kërkim.
Sipas të dhënave, Aliu, që ka dhe një lokal, jeton në një vilë, përbri së cilës, në katin e parë të një pallati, jeton Çelmeta. Ai i hidhte vazhdimisht mbeturinat, para shtëpisë së Çelmetës.
I moshuari i ishte ankuar disa herë, por ai përveçse vazhdonte të hidhte plehrat, e fyente dhe kërcënonte. Deri sa ndodhi kjo skenë makabër.
Video:https://www.facebook.com/alban.patrioti.3/videos/123331252842552/
