“Filipi, i ati i Aleksandërit, ishte biri i Amintasit maqedonas, por nëna e tij, Euridikja, ishte një ilire. Ndoshta në periudhën e mëvonshme të jetës, nën ndikimin helenizues të oborrit mbretëror maqedonas, ajo mësoi të lexonte e të shkruante greqisht, me qëllim që tu jepte fëmijëve të saj një edukim më të ngritur, por nga gjaku ajo ishte një e huaj [“barbare”] e pastër, bijë e princit ilir, Irras.
Si pasojë e kësaj, babai i Aleksandërit ishte gjysmëbarbar. Nëna e tij, Olimpia, të cilën Filipi e mori si gruan e tij të ligjshme në vitin 357, ishte e bija e Neoptolemit, mbretit të molosëve, dinastia e të cilit e kishte rrënjën që nga djali i Akilit dhe për këtë arsye shikohej si greke, edhe pse vetë molosët, një fis në Epir, duket se kanë qenë barbarë dhe nga sa duket kishin lidhje me ilirët.
Në vitin 356, Olimpia, e cila ishte rreth njëzetvjeçare, solli në jetë Aleksandërin dhe vitin e mëpasshëm motrën e tij, Kleopatrën; dhe, nuk pati më asgjë tjetër nga kjo martesë.
Pra, Aleksandri nuk ishte një maqedonas i pastër, por kishte një rremb gjaku barbar në venat e tij.”
——————–
Alexander the Great (Alexander der Grosse) – Ulrich Wilcken
Përkthyer nga gjermanishtja: G. C. Richards
Botues: Pickle Partners Publishing, 2016 (Originally published in 1932)
