Edhe pse kanë kaluar 20 ditë nga inagurimi i banesave të ndërtuara nga Turqia në Laç, asnjë prej 522 familjeve nuk është futur ende në shtëpitë e tyre.
Të kënaqur me investimin, por ende jashtë shtëpive të tyre, banorët e Laçit tregojnë për Fax Neës se vonesat janë shkaktuar për shkak se Bashkia ende nuk ka gati dokumentacionin, dhe certifikatat e pronësisë.
Ndërkohë që burime nga Bashkia e Kurbinit i thanë Fax News, se zvarritja është shkarkuar për shkak se Enti i Banesave ka vonuar përpilimin e dokumentacionit.
Problem tjetër për banorët e Laçit janë edhe gropat që janë hapur në disa zona të tjera të qytetit, ku ende nuk ka nisur ndërtimi i pallateve përmes fondit të Rindërtimit.
“Këtu nuk e di, nuk është duke ecur puna, kanë hapur 3 gropa që prej një viti”.
“Kanë 20 ditë që ka ardhur Erdogani, kanë dhe me u bo dhe letrat, që të hyjmë brenda. Kryetarja e Bashkisë ka punuar shumë mirë, këto ditë do të jepen çelësat. Jena të kënaqur, për shkak të letrave kemi vonuar që të hyjmë brenda.
“Jena shumë të kënaqur nga Erdogani dhe nga kryetarja e Bashkisë”.
“Nuk japin tapitë, ka punë shumë me bërë certifikatat e pronësisë. Turku i ka dorëzuar, i ka mbaruar punët e veta.”.
