Sot mbushen tri vjet nga shuarja e një ylli, pikërisht këngëtares Nexhmie Pagarusha.
Kush ishte “Bilbili i Kosovës”, legjenda e muzikës shqiptare Nexhmije Pagarusha.
U lind më 7 maj të vitit 1933 në Pagarushë. Ajo njihet si një grua e cila gjatë gjithë karrierës së saj i ka shërbyer me nder dhe dashuri atdheut të saj përmes artit. Përfundoi shkollën e muzikës në Beograd, dhe gjatë gjithë karrierës së saj artistike ka performuar në koncerte në vende të ndryshme të botës, duke e bërë kështu Kosovën të njohur kudo.
Kënga më e njohur e saj është ”Baresha”, të cilën e ka kompozuar burri i saj Rexho Mulliqi. Në vitet e rinisë Nexhmije Pagarusha ka kënduar vepra të përkthyera nga Bethoven, Verdi e shumë emra të mëdhenj.
Gjatë gjithë karrierës së saj ajo ka kënduar mbi 150 këngë
Bilbili i këngës shqipe është krahasuar me yjet më të mëdha botërore. Përveç muzikës ajo ka qenë edhe aktore. Ka luajtur në shumë filma dhe është cilësuar nga regjisorët si një aktore e përkryer.
Ajo ka mbajtur koncerte në vende të ndryshme të botës, si në Irazel, Bullgari, Bosnjë dhe Hercegovinë, dhe në Kosovë e Shqipëri pa dyshim.
Mbretëreshën e muzikës shqiptare, Nexhmije Pagarusha, në 2018-ën, e pati dekoruar me medaljen e “Mirënjohjes”, edhe Presidenti i amerikan Donald Trump.
Çmimi i mirënjohjes iu akordua këngëtares Pagarusha përmes propozimit të një Akademie në Florida, i cili është çmim periodik vjetor që firmoset nga Presidenti amerikan për personalitete që kanë impakt mbi njerëzit dhe shoqëritë e tyre, konkretisht në fushën e artit.
Në ceremoninë e organizuar për 85 vjetorine lindjes së e artistes së madhe shqiptare në Akademinë e Arteve në Tiranë, nga Shoqata RessEgnatia dhe Unioni i Gazetarëve Shqiptarë, ishin të pranishëm Presidenti Ilir Meta, personalitete të fushave të ndryshme nga Shqipëria dhe Kosova, familjarë, miq, artistë dhe artdashës.
