Por edhe pse Erdogani ka vënë bast se spitali do jetë gati para zgjedhjeve të 25 prillit, qeveria shqiptare ende nuk ka gati truallin.
Dje banorët e sipërfaqes ku pritet të ngrihet ky spital protestuan dhe nuk janë dakord që spitali të ndërtohet në tokat e tyre.
Ata kërkojnë që toka e tyre të mbetet bujqësore, sepse përmes saj arrijnë të ushqehen.
Por, Kryeministri Rama u shpreh dje se fermerët do të shpronësohen sipas ligjeve në fuqi.
“Në zonën ku do të ndërtohet spitali janë 12 familje. Spitali do të jetë publik, jo privat, do të jetë një spital i sistemin tonë shëndetësor, do jetë një spital ku Turqia do të kontribuojë jo vetëm për ndërtimin, por edhe transferimin e dijes dhe për një periudhë kohe, do të administrohet dhe do të drejtohet në pavijonet e veta nga specialistë turq, do të punësohen në këtë spital mjekë dhe infermierë shqiptarë që në një periudhë kohe do të punojnë nën drejtimin e specialistëve turq dhe në fund të këtij tranzicioni në bazë të eksperiencës, do të marrin dhe drejtimin e spitalit”, tha Rama.
