Kreu i Sindikatës, Sokol Dauti me anë të një njoftimi për mediat shprehet se kanë kaluar 9 muaj nga paga e fundit që kanë marrë nga marrëveshja 1 vjetore me qeverinë.
Sindikata e Naftëtarëve ka paralajmëruar se nëse nuk do të rikthehen në punë në rafineri, do të shesin metalin e fundit. Kreu i Sindikatës, Sokol Dauti me anë të një njoftimi për mediat shprehet se kanë kaluar 9 muaj nga sigurimet, të cila u morën me grevë urie nga gratë dhe burrat. Dautaj shprehet se të bashkuar ata do të fitojnë pasi nuk do lejojnë njeri të marrë pagat që janë fituar me gjak.
REAGIMI
Kolegë Naftëtarë, kjo ishte dhe paga e fundit nga pakti prej 12 pagash mujore, marrëveshje, e cila u arrit nga Sindikata e Naftëtarëve të Bashkuar. Ne pak muaj që u krijua, edhe pse jashtë rafinerisë, pa pasur asnjë kontratë me pronar, apo shtet, u arritën disa fitore. U kaluan 9 muaj sigurimet. Për vitin 2019, u morën me grevë urie 3 pagat ne shkurt 2020, morëm pagën e luftës ne prill 2020, dhe pas grevës 45 ditore, nga burrat, dhe gratë naftëtarë, 1 një vit pagë, 400 mijë, plus sigurimet. Kjo sindikatë përdori çdo lloj forme proteste, pa ndarë dhe urat e komunikimit, me çdo lloj institucioni përgjegjës për problemet tona, si asnjë sindikatë tjetër më parë. Por hallet e naftëtarëve nuk mbyllen këtu. Kemi çuar në SPAK, dhe prokurori Fier, ish-drejtues të sindikatës, për tallje me gjyqin, nga 20916 deri më sot. Pa u zgjatur më shumë, edhe pse kam shumë për të thëne te ju naftëtarët, kolegë, dhe ish-kolege, sot ne pension, ato paga nuk kemi pse ja falim, kujt? Ndaj mendoj dhe po veproj, që nëse nuk fillon punë rafineria, metali i fundit do të shitet po nga naftëtarët, pasi është gjaku dhe mundi juaj ndër vite. Të gjithë të bashkuar fitojmë. Respekt për të gjithë brezat e Naftëtarëve.
Si nisi protesta e naftëtarëve, e si doli Rama garant për rrogat e tyre?
Naftëtarët e uzinës në Ballsh protestonin vjet për muaj me radhë për pagat e pamarra, edhe pse kishin punuar në kohë pandemie, kur gjithçka ishte e mbyllur dhe në “shtetrrethim”. Duke parë se nga protestat e tyre nuk pati asnjë reagim ata vendosën që të futeshin në grevë urie në ambientet e Rafinerisë. Burrat qëndruan 22 ditë, ndërsa gratë 23, derisa pranuan ofertën e bërë nga kryeministri Edi Rama. Qeveria u ofroi atyre 40 mijë lekë të reja rrogë për një periudhë 1-vjeçare. Po ashtu, iu paguan edhe kontributet e sigurimeve shoqërore dhe shëndetësore për periudhën nëntor 2020-tetor 2021. Porn ë vendimin e qeverisë thuhej qartë se nëse pas kësaj periudhe nëse në rafineri nuk afrohej asnjë investim, atëherë naftëtarët nuk do të merrnin më mbështetje nga shteti.
