Artisti i njohur shqiptar, Pjerin Sheldija, është ndarë nga jeta në moshën 87-vjeçare.
Ai njihej ndryshe si “Mikelanxheloja i Shkodrës” dhe është autor i mbi 200 afreskëve në mbi 35 kisha në Shqipëri, Kosovë, Mal të Zi, Itali dhe në Angli.
3 nga pikturat e tij, ndodhen sot në Vatikan dhe për kontributin e dhënë Papa Benedikti i 16 e ka nderuar Sheldinë, me “ Distinktivin e Kryqit të Shenjtë për Kishën dhe për Papën”.
Punimet e tij Sheldija gjithmonë i ka dhuruar, duke mos pranuar që t’i shesë kundrejt parave.
