“Ministria e Kulturës, banesa e Pashko Vasës, monument Kulture. Mbrohet nga Shteti,”-kështu shkruan një pllakë guri e vendosur në hyrje të banesës së Pashko Vasës, por dikush ka vendosur një “nuk” para që merr kuptim sapo sheh ç’ka brenda. Shtëpia e shkrimtarit, atdhetarit poetit dhe publicistit të madh shqiptar, Pashko Vasa, e shpallur “monument kulture” nuk është më e tillë pasi thuajse është rrënuar e gjitha.
Siç shihet edhe në fotot e mëposhtme, muret janë çarë dhe po ashtu e tavanet kanë nisur që të bien, duke bërë që copa të mëdha të bien në tokë. Koha, mungesa e investimeve dhe shumë faktorë të tjerë po rrezikojnë seriozisht shembjen e kësaj banese historike që duket se është lënë në harresë nga të gjithë.
Në këtë banesë është ndërhyrë 2 herë për ta restauruar, një në vitin 2009 dhe më pas në vitin 2018, e që atëherë askush nuk e ka hapur më atë derë për të parë se çfarë bëhet brenda. Ndërkohë që Ministria e Kulturës ka harruar detyrën e saj duke e trajtuar si një objekt të rëndomtë.
Në këtë banesë është ndërhyrë 2 herë për ta restauruar, një në vitin 2009 dhe më pas në vitin 2018, por sipas studiuesit shkodran Zef Çuni, restaurimi nuk është bërë siç duhet, pasi ka shkaktuar mjaft dëme. Ai i bën thirrje Ministrisë së Kulturës të ndërhyjë, teksa thotë se do ta dhurojë ai projektin e restaurimit të kësaj shtëpie.
