Pas dekadash heshtjeje, Petro Marko rikthehet tek lexuesi me romanet “Lejania” dhe “Ëndrratar”, që sjellin sërish frymën e tij krijuese dhe njerëzore. Botuesja Rita Petro thekson se autori mbetet i dashur për të gjitha grupmoshat, një zë i ndritshëm në letërsinë shqipe.
Pas një anatemie të gjatë që i është bërë viteve të diktaturës, Petro Marko kthehet sërish tek lexuesi me dy tituj të rinj: “Lejania” dhe “Ëndrratar”. Botimet, të rikthyera nga pluhuri i kohës, sjellin frymën e një autori që ka ditur të përballojë heshtjen dhe të mbetet i gjallë në kujtesën letrare.
Botuesja Rita Petro thekson se veprat e Petro Markos kanë një jehonë të përhershme, pasi autori është i dashur për të gjitha grupmoshat e lexuesve, nga brezi i vjetër që e ka përjetuar, te të rinjtë që e zbulojnë për herë të parë.
Petro Marko nuk është vetëm një shkrimtar i së kaluarës, por një zë i gjallë i letërsisë shqipe, që vazhdon të frymëzojë me idealizmin, humanizmin dhe ndjenjën e lirisë që përshkon çdo faqe të tij./Syri
