Përgjatë ditës së sotme, Kontrolli i Lartë i Shtetit (KLSH) kanë parë në terren dëmet e shkaktuara si pasojë e rrëshqitjes së rrugës, duke kryer dhe raportin përkatës.
Bëhet me dije se dy inxhinierët auditues të KLSH, janë pjesë e grupit që po kryen dhe verifikimin e dokumentacioneve për këtë projekt.
Aktualisht rruga kalohet me shumë vështirësi ndërsa pjesa ku ka rrëshqitur është mbuluar me qëllim që ujërat e shirave të mos të vijojnë të depërtojnë te pjesa e dëmtuar.
Rruga e restauruar nga firma “Salillari” pësoi dëmtime të rënda në një pjesë pranë fshatit të Borshit, duke paralizuar qarkullimin, por edhe duke vënë në rrezik jetët e shoferëve që përdorin këtë aks.
“Salillari” është kompania që e ndërtoi rrugën një vit më parë, por edhe firma që kryen mirëmbajtjen e këtij aksi.
Financimi për të gjitha rrugët në Shqipëri për mirëmbajtjen në total ka qenë 128 milion euro nga të cilat 65.9 janë dhënë nga Banka Botërore.
Anëtarësohuni në grupin US ALBANIAN SOCIETY GROUP dhe diskutoni e postoni lirisht për të gjitha temat që dëshironi!
