Ministria për Evropën dhe Punët e Jashtme njofton të gjithë udhëtarët që duan të shkojnë në Itali se nga data 31 gusht deri në 25 tetor 2021 kanë ndryshuar disa rregulla.
Kështu nëse doni të hyni në shtetin italian çdo qytetar duhet të paraqesë: Certifikatën e gjelbër Covid-19 dhe vaksinat që njeh shteti italian Pfizer Biotech, Moderna, AstraZeneca, Jonhson & Johnson, po ashtu test molekular PCR ose antigjenik, kryer brenda 72 orëve para nisjes dhe formularin PLF.
Njoftimi i plotë:
Ministria për Evropën dhe Punët e Jashtme njofton se në bazë të Dekretit më të fundit të Ministrisë së Shëndetësisë në Itali, Shqipëria vazhdon të mbetet në vendet e listës D 👉https://bit.ly/3mM8wEY
Duke nisur nga data 31 gusht deri në 25 tetor 2021, çdo qytetar që udhëton drejt Italisë duhet të paraqesë:
➡ Çertifikatën e gjelbër Covid-19, që vërteton vaksinimin e plotë ose një çertifikatë të ngjashme të lëshuar nga autoritetet kompetente shëndetësore vendase që deklaron përfundimin e vaksinimit;
Çertifikata mund të jetë në formë dixhitale ose e printuar;
Shteti italian njeh vaksinat e autorizuara nga EMA: Pfizer Biotech, Moderna, AstraZeneca , Jonhson & Johnson.
➡Test molekular PCR ose antigjenik, kryer brenda 72 orëve para nisjes;
➡Formularin PLF 👉 https://app.euplf.eu/
Në rast së mospasjes së dokumentave të mësipërme, është e detyrueshme një periudhë vetëizolimi prej 5 ditësh në Itali, në adresën e treguar në Formularin e Deklarimit të Pasagjerit (PLF) dhe duhet të kryeni test në fund të periudhës 5 ditore;
➡Nuk kërkohet një motiv për udhëtimin, si nevoja për punë ose studim, arsye shëndetësore, urgjencë absolute, kthim në shtëpi;
Fëmijët nën moshën 6 vjeç përjashtohen nga testimi molekular ose antigjen.
Për më shumë informacion rreth kritereve të udhëtimit në Itali dhe kategoritë që përjashtohen nga vetëizolimi, klikoni në linkun👉 https://bit.ly/38u0NTs
