Kryeministri Edi Rama nuk ka pranuar të thotë se nga cilat vende e ka marrë vaksinën kundër Covid-19. Teksa shpjegoi negociatat, kreu i qeverisë tha se vendi që i ka dhuruar kërkon që të jetë anonim.
Ai u shpreh se një ditë shpresonte që ta bëntë publik shtetin, madje edhe ta falënderonte. Por një nga arsyet, pse u zgjidh Shqipëria, kryeministri tha: “Keni Edi Ramën kryeministër”.
“Vendi që na ka dhënë vaksinat ka kërkuar konfidencialitet. Si tua shpjegoj këtë unë. Sigurisht që në një ditë të caktuar, shpresoj që unë ta them dhe ta falënderoj atë vend para gjithë shqiptarëve.
Por ka kërkuar konfidencialitet. Këtë e kërkojnë të gjitha vendet. Edhe tre vendet e tjera me të cilat jemi afër kanë kërkuar konfidencialitet. Pse? Për një arsye të thjeshte.
Nëse një vend e bën këtë për Shqipërinë, nuk dëshiron që 10 vende të tjera ti thonë bëjë dhe për ne. E bënë për Shqipërinë. Pse e bënë për Shqipërinë? Nuk më takon mua ta them, por një nga arsyet është se ‘keni Edi Ramën kryeministër’”
