Biblioteka Kombëtare e Shqipërisë, kujton 20-vjetorin e ndarjes nga jeta të poetit, shkrimtarit dhe publicistit, Teodor Keko.
Ekspozita e çelur në sallën shkencore vjen në përkujtim të kontributit të tij të vyer në fushën e letrave shqipe dhe të publicistikës.
Në sallën shkencore, studiuesit i shoqëron vepra e bohemit Teodor Keko.
Ekspozita nis që me poezitë e para në gjimnaz si dhe përshtypjen e mësueses së letërsisë në gjimnazin Qemal Stafa, ku ajo kishte nuhatur talentin e tij.
Në poezitë e dashurisë spikasin dedikimet për bashkëshorten Xhulin. Ky prezantim sjell për publikun krijimtarinë e tij duke nisur nga botimi i tij i parë në revistën “Nëntori” (1980) dhe vëllimin e parë me poezi “Pas provimeve” botuar në vitin 1983, për të vijuar më tej me veprat: “Fjala fishkëllen” (1987); romani “Loja” (1990); “Zemra nuk është këmishë” (1990); dhe romanin e tij të preferuar “Lajmëtarja e vdekjeve” (1991); “Pretenca” (1994); “Made in Albania” (1998); “Keko: poezi” (2005); përmbledhje me tregime “Amaneti: tregimet e fundit” ku shoqërohen edhe me shkrimin e tij , ku kërkon që që libri të redaktohet nga miku i tij Andi Bejtja.
Pasqyrohen edhe botimet pas ndarjes së tij nga jeta, si “Curriculum vitae: tregime të zgjedhura” (2008); “Kryqëzim: poezi të zgjedhura” (2008); “Si breshka në shpinë mbaj një varr: tregime, poezi, roman, dramë, shënime, vëzhgime, opinione, intervista…” (2012); “Shënimet e një gruaje” (2014).
Krahas kontributit të çmuar në letra shqipe është autor i 15 volumeve në zhanre të ndryshme si, poezi, dramë, novelë si dhe tregimeve të shkurtra. Ai ka qenë pjesëtar i Parlamentit shqiptar ku fjalimet e tij në parlament mbetet një pjesë shumë e vlefshme e oratorisë parlamentare./abc
