Ambasadorja e Shteteve të Bashkuara të Amerikës në Tiranë, Yuri Kim ka reaguar lidhur me takimin mes Sekretarit Amerikan të Shtetit Antony Blinken dhe përfaqësuesit të Lartë të Bashkimit Evropian për Punët e Jashtme e Çështje të Sigurisë, e njëkohësisht Nënpresident i Komisionit Evropian, Josep Borrell që u zhvilluar në Washington.
Në një postim në rrjetet sociale, Kim shkruan se Blinken theksoi nevojën për të ecur përpara në bisedimet e pranimit të Shqipërisë dhe Maqedonisë së Veriut në Bashkimin Evropian.
“Sekretari amerikan i Shtetit Antony J.Blinken i shprehu përfaqësuesit të Lartë të Bashkimit Evropian për Punët e Jashtme e Çështje të Sigurisë, e njëkohësisht Nënpresident i Komisionit Evropian, Josep Borrell vlerësimin për mbështetjen e vazhdueshme të BE-së për perspektivën evropiane të BB dhe angazhimin ndaj procesit të zgjerimit.
Blinken theksoi nevojën për të ecur përpara në bisedimet e pranimit të Shqipërisë dhe Maqedonisë së Veriut në Bashkimin Evropian,”– shkruan Kim.
