Emmanuel Macron ia doli të sigurojë një tjetër mandat 5-vjeçar në krye të elizesë, presidenti i dytë i rizgjedhur në Francë, pas Zhak Shirak në vitin 2002.
Fitorja me rreth 59 % të votave, edhe pse bindëse kundrejt 41 përqindëshit të kandidates së ekstremit të djathtë, Marine Le Pen, i dha një frymëmarrje lehtësimi Bashkimit Evropian, por gjithashtu tregoi se francezët kërkojnë ndryshime rrënjësore në union.
Në fjalimin e fitores, presidenti Macron pranoi pakënaqësinë e përhapur, ndërsa premtoi se do të jetë president i të gjithëve.
EMMANUEL MACRON
PRESIDENT I FRANCES
“Shumë qytetarë votuan për mua jo sepse mbështesin idetë e mia, por për të mbajtur jashtë ato të së djathtës ekstreme. Unë dua t’i falënderoj ata dhe e di se u detyrohem një borxh në vitet në vijim. Do të duhet të jemi të bashkuar në një kohë kur vendi ynë po përjeton shumë ndarje dhe dyshime.”
Zgjedhjet parlamentare që do të mbahen më 12 dhe 19 qershor do të jenë ato që e majta e fortë e Jean-Luc Melenchon i quajti menjëherë një “raund i tretë” i zgjedhjeve presidenciale, ndërsa partitë opozitare të të gjitha shtresave janë mobilizuar për të shkuar drejt fitores.
Sipas analistëve, rikompozimi i peizazhit politik francez ende nuk ka përfunduar. Shumica që do të dalë nga zgjedhjet parlamentare do të jetë vendimtare për politikën ekonomike.
