Ne sërish do të duhet të presim, por do të vazhdojmë ta bëjmë të njëjtën, dhe të mbështetemi te vetvetja, ndërsa jo vetëm në atë që e tregon Brukseli, deklaroi kryeministri i Shqipërisë Edi Rama në panelin e Forumit të parë ekonomik në Shkup në të cilin merr pjesë edhe kryeministri Zoran Zaev duke e komentuar mossuksesin e djeshëm të BE-së të dorëzojë fillim të negociatave për Shkupin dhe Tiranën.
“Ne sërish do të duhet të presim. Por, për mua kjo nuk është pritje, thjeshtë duhet të vazhdojmë ta bëjmë të njëjtën, të shkojmë përpara dhe jo vetëm të mbështetemi në atë që e thotë Brukseli, megjithatë të mbështetemi në veten tonë, në energjinë tonë personale ta bëjmë maksimumin me qëllim që t’i bashkojmë misionet në një mision, popujt në një popull, vendet në një zonë ku nuk do të ketë kufizime të bashkëpunimit”, tha Rama në fjalim duke e quajtur vëlla kryeministrin Zoran Zaev.
Ai e theksoi vlerën e bashkëpunimit rajonal për përparimin e rajonit.
“Ne jemi shumë të vegjël që të jetojmë të izoluar njëri me tjetrin, shumë të vegjël për ta kërkuar të ardhmen e fëmijëve tanë veëm, por ne atë mund ta bëjmë së bashku. Hapësirat tona të cilat janë kufizuar me kufij nuk janë mjaft tërheqëse që të bëhet ndryshim transformues si ekonomitë, por ekonomia jonë e përbashkët është tërheqëse dhe ne duhet ta bëjmë mjaft tërheqëse për të gjithë, të investojnë të shohin mundësi për zhvillimin ekonomik për kompanitë e tyre dhe për njerëzit në këtë rajon”, porositi Rama.
Sipas tij, pas zgjidhjes së kontestit me Greqinë dhe nënshkrimin e Marrëveshjes së Prespës, të gjithë kanë të drejtë të ndjehen të frustruar nga bllokada, e cila, këtë herë vjen nga Bullgaria.
Sipas Ramës, mossuksesi të sillet vendim për fillim të negociatave me Maqedoninë e Veriut dhe Shqipërinë është mossukses i BE-së.
“Nuk jemi ne ata që nuk arritën, ato nuk arritën. Ata i kanë arsyet e tyre dhe i kuptoj është shtëpia e tyre, ndërsa ne duam të inkuadrohemi në atë shtëpi. Ne jemi evropianë pa BE-në, ne jemi BE por megjithatë jemi Evropa. Problemi i verëm është që ata kanë mundur të thonë “ne ju duam, duam të jeni brenda por kemi disa punë të cilat së pari duhet t’i zgjidhim. Hapësirat tuaj, dhomat tuaja ende nuk janë gati”. Atë që ata vazhdimisht e thonë është ju ende nuk jeni të gatshëm, por kjo nuk është e vërtetë. Thjeshtë kanë mundur të thonë “e përfunduat punën, por ne nuk jemi të gatshëm”, tha Rama.
