Një mur i ndërtuar në shekullin e 4 para lindjes së Krishtit, është duke rrezikuar shembjen. Muri rrethon kalanë historike të qytetit, ndërsa degradimi i tij ka nisur dy vite më parë, dhe shembja rrezikon edhe banorët atje.
Një mur ilir përbënte rrethimin e dytë të Lisusit antik në shekullin e 4 para Krishtit, dhe ndodhet pranë kalasë së Lezhës.
Pavarësisht rëndësisë hostorike që ka muri, ai po rrezikon shembjen.
Fenomeni nisi dy vite më parë, ndërsa gurët kanë lëvizuar duke u kthyer edhe në rrezik për banorët.
“Mbi te gjitha është shqetësuese për kalane se është gjë historike , e dyta ketu është edhe pjerrtësi.
Po të rrëzohet një mur, ketu kalojne dhe makinat mund të rrezikojn dhe ti bjer makinës. Aksidentohen njerëz që janë brenda në makinë. Kjo lagje është larg qytetit por këtu mbahen bagëti që mund të rrezikohen, ështe shumë e rrezikshme ” tha një banor.
Specialisti i Trashegimisë Kulturore në Lezhë Ded Margjoni thotë se e gjitha kalaja përfshire dhe murin antik do të restaurohet në kuader të programit të rindërtimit nga tërmeti, por projekti ende nuk është miratuar.
“Rreshqitja mund të rezultoj është shumë fatale . Atij muri i është bër projekti, është miratuar por duke qën se u prek nga tërmeti në atë kohë. Ky projekt duhet rimiratuar dhe mendoj që muri të restaurohet në kuadrin e restaurimit të madh të përgjithshëm, që do i bëhet dhe kështjelles së Lezhës sepse është një nga objektet e prekura nga tërmeti i 2019,” tha ai.
Muri antik ka rrëshqitur në një gjatësi prej 20 metrash dhe shkak i kësaj situatë mendohet të jetë bërë dëmtimi i bimësisë, duke sjell fenomenin eroziv.