“Që prej Majit të vitit 2021, ka nisur restaurimi i mozaikut që ndodhet në fasadën e Muzeut Historik Kombëtar me emrin “Shqipëria”, punimet janë drejt fundit”, raportoi gazetarja Anisa Krraba.
Këto foto tregojnë qartë dëmtimet që kishte pësuar në vite nga kushtet atmosferike e që tani janë rikuperuar. Restauratori Agron Islami na tregon detajet e punës, që ka prekur çdo milimetër të mozaikut më të madh në vend.
Lejla Hadzic, këshilltarja e UNOPS në Shqipëri, që po zbaton projektin e financuar nga Bashkimi Europian, thotë se ky projekt ka kushtuar, për shkak të kompleksitetit të ndërhyrjes, që nga skeleria.
“Punimet, me një vlerë totale prej 109 322 050,00 lekë”, tha ajo.
Çdo gur, është riprodhur siç ishte, ndërsa ato që bien në sy janë gurët në ngjyrë të artë që plotësojnë veshjet e personazheve të mozaikut.
Ky projekt kompleks që shtrihet në tërë sipërfaqen e mozaikut prej 565 m2, përmban 123 tone ngjyrash.
Mozaiku “Shqipëria” u instalua më 1981, i ndërtuar nga Vilson Kilica, Josif Droboniku, Agim Nebiu, Anastas Kostandini, Aleksandër Filipi./klan
