Tashmë përmes portalit E-Albania është më e lehtë për të aplikuar për një patente për një shpikje apo certifikim të një produkti.
“Mbrojtja dhe promovimi i produkteve shqiptare nën markën “Made in Albania” është i një rëndësie të veçantë jo vetëm për zhvillimin ekonomik të vendit, por edhe sepse ju siguron sipërmarrjeve të hyjnë në tregje me standarde”, theksoi ministrja e Financave dhe Ekonomisë Anila Denaj gjatë një aktivitetin e organizuar nga Drejtorinë e Përgjithshme e Pronësisë Industriale.
Edhe përfaqësuesit e biznesit që operojnë në fushën e artizanatit, si në prodhimin e kravatave, ashtu edhe të veshjeve popullore tradicionale vlerësuan rëndësinë e regjistrimit të markave dhe patentave pasi ato jo vetëm sigurojnë mbrojtje në treg, por edhe rrisin përgjegjësinë ndaj produkte konsumatorëve. Ndërkohë që prej viti 1993 në Drejtorinë e Përgjithshme e Pronësisë Industriale janë depozituar rreth 90’000 aplikime për regjistrime të objekteve të Pronësisë Industriale.
Inovatorët shqiptarë kanë aplikuar për regjistrimin e 171 patentave për shpikjet e tyre.
