Kjo nisëm është shumë e shenjtë por edhe e vështirë, por unë nuk jam vetë. Unë në Tiranë kam krijuar një ekip që po më ndihmojnë vazhdimisht në çdo hap. Por këshilluesi im në këtë nisëm është gazetari nga Shqipëria Marin Mema.
Kush është Emira dhe nga vjen (familja, origjina)?
Unë jam Emira Selimi, kam lindur në Shkup, studioj Shkencat Politike dhe Marrëdhëniet Ndërkombëtare në Universitetin e Evropës Juglindore. Mami im është nga Dibra e vogël ndërsa babi është nga Shkupi. Unë gjithmonë kam qenë e lidhur mes këtyre dy qyteteve.
Profesioni juaj që zhvilloni?
Unë jam studente por po ashtu merrem edhe me gazetari dhe aktiviste e shoqërisë civile.
Pse zgjodhët pikërisht Manastirin? Çka ju shtyu drejt kësaj rruge?
Manastiri është një qytet që mbartë një histori të ndjeshme të çështjes shqiptare. Më së shumti të merrem me Manastirin më nxiti historia e bukur e këtij qyteti. Gazetari nga Shqipëria Marin Mema e thoshte një shprehje në dokumentarin (si mundet të mos jesh shqiptar sot në Manastir) çfarë ndodhi me shqiptarët atje, si janë, si mund të asimilohen kaq shpejtë, Kjo ishte njëra ndër arsyet kyçe. Pse qyteti iluminizmit shqiptar sot në këtë gjendje.
Ju keni marr një iniciativë të tillë vetëm apo ju qëndron dikush pas? Sa e vështirë ishte kjo gjë?
Kjo nisëm është shumë e shenjtë por edhe e vështirë, por unë nuk jam vetë. Unë në Tiranë kam krijuar një ekip që po më ndihmojnë vazhdimisht në çdo hap. Por këshilluesi im në këtë nisëm është gazetari nga Shqipëria Marin Mema.
A gjetët mbështetje nga familja drejt kësaj rruge?
Që në fillim familja ime më ka mbështetur, por ka pasur raste kur kanë pasur edhe frikë, panik sidomos në rastet e kërcënimeve.
Po nga institucionet shtetërore?
Nga institucionet shtetërore në Maqedoninë e Veriut nga askush, ndërsa nga Kosova dhe Shqipëria po. Sidomos institucionet e Kosovës të gjitha pothuajse, duke përfshirë këtu edhe Kuvendin dhe ministritë.
Nga cilat qytete u përkrahët më së shumti, dhe nga kush më pak?
Nga Tirana deri më tash janë mbledhur mbi 10 mijë tituj, nënkupton kryeqyteti Shqipërisë më shumë më pas Lezha, Shkodra, Durrësi, Elbasani, Vlora, Kruja, Dibra e Vogël në çdo qytet të shtetit shqiptar po grumbullohen. Po ashtu edhe në Kosovë, Prishtina, Gjakova, Gjilani, Deçani dhe shume pika të grumbullimit. Më pak qytete që janë aktivizuar në këtë nisëm janë qytetet shqiptare në Maqedoninë e Veriut fatkeqësisht.
Kishte ndonjë rast që i kërkuat libra dhe nuk iu dhuruan?
Jo, deri më tash një rast të tillë nuk kam hasur.
Jeni penguar nga Komuna e Manastirit rreth kësaj iniciative?
Deri tash jo, biblioteka po hapet në hapësirat e muzeut të alfabetit, në mënyrë institucionale.
Shqiptarët e diasporës iu mbështeten në këtë hap nëse kanë kuptuar për këtë gjë?
Po ashtu edhe diaspora më ka ndihmuar mjaftueshëm në këtë nisëm. Si gjithmonë diaspora shqiptare nuk mungon as kësaj radhe kur shqiptarët bashkohen për të ndihmuar bashkëkombësit e tyre.
Si duhet të ju kontaktojn të interesuarit nga diaspora?
Diaspora duhet të më kontaktojnë në rrjetet e mia sociale.
Si keni menduar të emërtohet biblioteka? Kur do te hapet zyrtarisht?
Biblioteka do të emërohet “Motrat Qiriazi”. Po ashtu kati përdhes në muze aty më parë janë shitur pllaka tani ajo ka një proces rinovimi, me ketë pjesë po merren arkitektë nga Shqipëria, sipas tyre punimet duhet përfundojnë fund të prillit. Deri atëherë planifikohet edhe hapja.
Sa libra tani numëron kjo bibliotekë deri tash?
Vetëm nga shteti amë janë mundësuar 15mijë libra. Vetëm Tirana mbi 10 mijë libra, ndërsa për Kosovën ende nuk di shifër të saktë por dhe atje është shumë i lartë grumbullimi.
Sfidat që u përballet dhe vazhdon të përballeni rreth këtij hapi gjigand?
Pjesa burokratike. Kati përdhes është pronë private e një maqedonasi. Aty më parë janë shitur pllaka, shqiptarët u revoltuan dhe Ministria Kulturës i paguan qira pronarit me një shumë 1500€, por unë dua ta di saktë sa është kontrata e ministrisë me pronarin që unë të filloj punimet aty. Por nga Ministria nuk më kthejnë përgjigje me ditë të tëra. Nuk e di si mundet kati i parë i shtëpisë së alfabetit të jetë pronë private e dikujt, kërkoj ndihmë nga dy shtetet tona shqiptare për këtë problematikë.
Mesazhi juaj për të gjithë të tjerët konkretisht rinin?
Mesazhi im për të gjithë të rinjtë shqiptarë është ta duam historinë tonë, të luftojmë me libra duke rikthyer qytetet tona që i morën të tjerët padrejtësisht nga ne. Ne mundemi kur jemi bashkë. / prointegra.ch / LE
