Nën restaurim prej majit 2021, është inauguruar Mozaiku “Shqipëria” i Muzeut Historik Kombëtar.
Mozaiku “Shqipëria” është hapur sot (17 maj 2023) për publikun, ndërsa në inaugurim ishte prezent në praninë e ambasadores së BE, Christiane Hohmann dhe ministres së Kulturës Elva Margariti.
Restaurimi i këtij mozaiku u mundësua nga programi “EU4Culture”, financuar nga Bashkimi Evropian dhe pati një kosto rreth 1 mln euro.
Mozaiku “Shqipëria” u përurua bashkë me Muzeun Historik Kombëtar në vitin 1981 dhe me kalimin e vite pjesë të saj kishin pësuar dëmtime.
Restauruesve iu desh një punë prej 2 vitesh për këtë mozaik, ndërsa gurët u morën po në Venecia ku u prodhuan origjinalët.
Ky mozaik ka një sipërfaqe prej 565 m2, përmban 123 tone ngjyrash dhe u ndërtua nga Vilson Kilica, Josif Droboniku, Agim Nebiu, Anastas Kostandini, Aleksandër Filipi.
