Pak minuta pas mbylljes së procesit të votimit në Kosovë, Instituti Pipos ka publikuar edhe rezultatet e exit pollit.
Sipas këtij instituti, Lëvizja Vetëvendosje ka dalë e para me 41.8 përqind, PDK me 16.5 përqind, LDK 15.2 përqind, AAK 7.2 përqind dhe Nisma 2.6 përqind, njofton Klan Kosova.tv.
Sipas kësaj përqindje, Vetëvendosje do të ketë 52 ulëse, PDK 20 ulëse, LDK 19 ulëse, AAK nëntë ulëse dhe komunitetet 20 ulëse.
Kujtojmë se, Kuvendi i Kosovës ka 120 ulëse ku 10 vende janë të rezervuara për pakicën serbe dhe 10 për pakicat e tjera.
