Janë publikur pamjet e plota të vrasjes së 25-vjeçarit Klodian Rasha nga polici i Shqiponjave Nevaldo Hajdaraj pak muaj më parë. Në videon e publikuar nga TCh shihet se Klodiani po ecën në trotuar, ndërsa efektivi i policisë e thërret dhe fillon t’i afrohet. Ndërkohë 25-vjeçari fillon të vrapojë dhe i largohet policit. Më pas ky i fundit ndalon dhe e merr në shënjestër duke e qëlluar me pistoletë pas shpine. Klodiani i ka rezistuar për një moment gjuajtjes dhe nuk është rrëzuar pasi ia del të ecë edhe disa hapa derisa futet në një kthesë dhe aty ulet në tokë. Më pas mbërrin polici dhe kur kupton që e ka qëlluar nis të bëjë dicka, por më pas largohet.
