Dikur epiqendër e koronavirusit, por Viti i Ri u festua normalisht në Wuhan. Të rinjtë pritën vitin 2021 jashë apo në lokalet e natës. Një vit më parë, shpërthimi i koronavirusit u raportua në qytetin e provincës Hubei, i cili më pas u përhap në të gjithë botën dhe vrau më shumë se 1.8 milion njerëz.
Të rinjtë u panë në klubet e natës, ndërsa një turmë e madhe u mblodh para bashkisë së qytetit duke mbajtur balona në duar. “2020 ka qenë një vit tepër i vështirë për ne sepse kemi përjetuar pandeminë, e cila është një përvojë e paharrueshme”, tha rezidenti lokal Xu Du për AFP.
Kina është përballur me kritika të gjëra për trajtimin fillestar të virusit, i cili u shfaq në Wuhan, në provincën qendrore të Hubei, në dhjetor 2019. Vendi është akuzuar për fshehjen e të dhënave dhe lejimin e virusit të përhapet ndërkombëtarisht.
