Për ministrin e Mbrojtjes Niko Peleshi, shndërrimi i bazës ajrore të Kuçovës në bazë ajrore të NATO-s, është një mesazh i qartë edhe për aktorë me qëllime të kundërta nga aspiratat perëndimore në rajonin e Ballkanit Perëndimor.
Duke folur në ceremoninë e nisjes së punimeve për realizimin e projektit për modernizimin e bazës ajrore, Peleshi tha se “prezenca e NATO-s është një provë e fortë se Shqipëria është aleat i rëndësishëm në të cilin NATO beson e verëson rolin kyc që ka vendi ynë në rajon.
Ndërtimi i kësaj baze është një mesazh i qartë për aktorë me qëllime rivale në rajonin e Ballkanit Perëndimor. Ky investim forcon orientimin tonë perëndimor.
Ritja e pranisë perëndimore në gjithë rajonin tonë nuk është si rezultat ekspansioni, por është zgjedhja jonë strategjike historike për të qenë në anën e perëndimit si Shqipëri e shqiptarë.”.
Peleshi tha se projekte të tjera si kjo e Kuçovës “janë më se të mirëpritura në të ardhmen e të sigurt që do pasojnë”.
Ky projekt tha ministri i Mbrojtjes “do ketë impakt të rëndësishëm në fushën e sigurisë kombëtare e bashkëpunim të drejtpërdrejtë mes FA dhe atyre aleate.
Me përfundimin e këti projekti do kemi jo vetëm një objekt ushtarak por një model ndërtimi e funksionimi, do ketë ndikim të vecantë në marrëdhëniet civile ushtarake dhe impakt poziitv në fushën sociale e ekonomike, pressim rritje të infestimeve, të punësimit dhe rrjetit rrugor”.
