Ambasada amerikane në Tiranë ndau sot përmes rrjeteve sociale lajmin e mirë se do të angazhohet edhe më tej në mbrojtjen e trashëgimisë kulturore shqiptare.
![](https://shqip.com/app/uploads/2023/12/412834595_766816275473532_7507657438942278715_n.jpg)
Në postimin e tyre online thuhet: “Jemi krenarë të shpallim një përpjekje të re për restaurimin dhe ruajtjen e manastireve mahnitëse të Luginës së Drinos”.
![](https://shqip.com/app/uploads/2023/12/412852823_766816385473521_802136226472772542_n.jpg)
Trashëgimia Kulturore pa Kufij (Cultural Heritage without Borders-CHwB) do të zbatojë projektin me mbështetjen financiare të Fondit të Ambasadorëve të SHBA për Ruajtjen e Trashëgimisë Kulturore (AFCP) dhe Fondit Botëror të Monumenteve.
![](https://shqip.com/app/uploads/2023/12/412873434_766816602140166_7844553282789896664_n.jpg)
Që prej vitit 2001, AFCP ka investuar më shumë se 1,6 milionë dollarë për ruajtjen e trashëgimisë kulturore shqiptare, përfshirë restaurimin e monumenteve të rëndësishme kulturore të dëmtuara nga tërmeti i vitit 2019.
![](https://shqip.com/app/uploads/2023/12/413795834_766816382140188_8001262136120684722_n.jpg)
Ambasada Amerikane ndau një album me foto mbresëlënëse të realizuara së fundmi, gjatë vizitës së të ngarkuarit me punë në Ambasadën e SHBA, David Wisner.
![](https://shqip.com/app/uploads/2023/12/413814330_766816662140160_5165144070455449281_n.jpg)
Në postim nënvizohet se stafi i ambasadës është befasuar nga vizita në një nga manastiret e Luginës së Drinos.
![](https://shqip.com/app/uploads/2023/12/413839415_766816395473520_4257614422247934472_n.jpg)