Qytetarët e Lushnjes, Fierit dhe Divjakës protestuan ditën e sotme kundër rritjes së çmimeve të naftës por edhe produkteve të tjera të nevojshme për bujqësinë. Mëngjesin e sotëm, qindra prej tyre kanë bllokuar rrugën te ‘Pushimi i Shoferit’, ku ishin grumbulluar fermerët e të gjithë zonave përreth. Kjo solli ndërhyrje të policisë së shtetit e cila tentoi që të hapte rrugën që u bllokua nga fermerët. Kjo solli edhe përplasje mes qytetatëve dhe efektivëve.
Po ashtu policia ka marrë masa për protestat që u zhvilluan ditën e djeshme. Të proceduar janë 7 persona, që sipas policisë kanë kanë bërë bllokimin e aksit rrugor Fier-Rrogozhinë, duke mos lejuar qarkullimin e mjeteve nga të dy senset e lëvizjes.
Protestat në vend po vijojnë për shkak të rritjes së çmimit të naftës. Në Tiranë, Shkodër, Durrës qytetarët kanë paralajmëruar protesta. Sot në Tiranë sërish do të ketë protestë në orën 17:00.
