Ministri i Punëve të Brendshme i Serbisë, Aleksandër Vulin, ka vizituar ekipin filmik që po realizon film për Masakrën e Reçakut të kryer në Kosovë më 1999. Bëhet fjalë për film propagandistik, i cili ka për qëllim që të devijojë realitetin historic për këtë ngjarje makabër. Edhe pas më shumë se 20 viteve, serbët jo që nuk ndiejnë turp as keqardhje për maskarat që kanë bërë, por edhe mundohen t’i mohojnë ato.
Nuk ngurrojnë që me qëllime të tilla të paraqiten edhe vetë zyrtarët serbë, sikurse Vulin, i cili thotë se ajo ngjarje (Masakra e Reçakut) është gënjeshtër dhe një trillim.
“Po i tregojmë gjithë botës se Reçaku ishte një gënjeshtër dhe se gjaku i fëmijëve serbë është mbi ata që e shpikën atë gënjeshtër”, është shprehur Vulin, pa fije përgjegjësie.
Paramendoni, serbët mundohen të mohojnë maskrat që i kanë kryer, në kohë kur ende janë të hapura varrët dhe dhimbja e familjarëve për të afërmit e humbur në këto masakra. Ça do të ndodhë kur të krijohet distancë më madhe kohore dhe kur të ndërrohen gjeneratat, vetëm se mund ta paramendojmë, nëse shqiptarët nuk i përgjigjen në mënyrë të orgaizuar kësaj propagande?
A mundet të ketë sukses propaganda serbe? Ndoshta po, e ndoshta jo, mirëpo ata po bëjnë maksimumin që të arrijnë qëlimin. Ja për shembull në Maqedoninë e Verut, menjëherë pas themelimit të “Open Ballkanit” është futur telekomi serb “M Tel”. Nëse e analizoni ofertën e tyre, do të shihni se është më e lira në treg në krahasim me ofertat tjera. Çmimet janë aq të lira, sa që me bazë lind dyshimi nëse kanë fare logjikë ekonomike.
Cila mund të jetë logjika, nëse nuk është ekonomike? Ndoshta kanë prapavijë propagandistike. Kush e din, ndoshta Telekomi Serb “ka llogari” të punojë pa profit, vetëm e vetëm të futet në sa më shumë familje në Maqedoninë e Veriut.
Vetëm e vetëm në sa më shumë familje të sjellë televizionet e tyre propagandistike, me seli në Beograd, Banja Llukë, Nish, Novi Sad, kanalet e Kishës Ortodokse Serbe, etj., shoqëruar me një ofertë të vobegët të kanaleve televizive në gjuhën shqipe.
Me një qëllim dhe shpresë të vetme se një ditë sa më shumë qytetarë të Maqedonisë së Veriut të fillojnë t’i besojnë propagandës së Vulinit se : “Agresioni i NATO-s, filloi pas një gënjeshtre të tmerrshme për Reçakun”. Nuk është çudi ta arrijnë këtë qëllim, duke i sjellur në një vend,përmes një oferte të lirë kanalet televizive nga Serbia e nga Republika Srpska, duke sjellur RTS-në, Tanjugun, Pink, Kurir TV, e këshu me radhë.
Ministri serb vetëm sa nuk e konfirmon zyrtarisht këtë synim, kur thotë : “Në atë kohë nuk ishim të aftë për t’i treguar botës se çfarë gënjeshtre e tmerrshme ishte. Detyra e brezit tonë është t’i tregojmë botës se na bombarduan dhe na bënë kriminelë falë një gënjeshtre. Reçaku është trillim i madh, një falsifikim i tmerrshëm, një fyerje e madhe për mbarë njerëzimin dhe për të gjithë ata që e thanë këtë gënjeshtër”.
Pas këtyre fjalëve të tij, ne si shqiptarë vetëm mund ta falënderojmë që po tregohet transparent dhe po i zbulon qëllimet e propagandës serbe. Por çka po bëjmë ne për të parandalur këtë propagandë? Çka po bëjnë Shqipëria e Kosova? Gati asgjë.
Një pjesë e madhe kanë filluar ta ëndërrojnë edhe syçelë idenë e Vuçiqit për “Open Ballkanin”. Telekomi i Serbisë futet me investim në Maqedoni ku serbët nuk janë as pesë për qind, kurse shumë televizione e medium shqiptare mungojnë edhe pse shqiptarët e siguri jemi mbi 30 për qind. Serbët si fjtorë të luftës e ndiejnë ende të nevojshme të arsyetojnë fajin e vet, kurse ne viktima gati kemi harruar çka n aka ndodhur!
Paramendoni si do të ishte propaganda po të ishin rolet të kundërta: serbët të ishin qenë viktima, kurse shqiptarët masakrues!
