Arti i vërtetë është konceptuar nga njerëzit e vërtetë për një qëllim të vërtetë. Piktura si një formë e artit është një produkt dhe pasqyrim i kulturës dhe jetës që e krijon atë. Fillon nga diku brenda krijuesit dhe ekzekutohet në mënyrën në të cilën artisti e sheh të arsyeshme. Nga muzeu në galeri, ekspozitë, studio, apo në murin e jashtëm të një ndërtese, gjithçka vlen për të tejçuar mesazhin.
Anton Krasniqi u lind në (Nepolë të Pejes) në vitin 1975. Më 1995 mbaroj Shkollën e Mesme Matematiko Shkencor në Baran të Pejës.
Në vitin 2004 u diplomua në Fakultetin e Arteve drejtimi Pikturë në Prishtinë, ndërsa në vitin 2009 mbaroi studimet pasuniversitare në Fakultetin e Arteve drejtimi Pikturë në Prishtinë ku merr titullin Master i Pikturës.
E gjithë përvoja jetësore, konfliktet ndërshtetërore, ndëretnike, sociale dhe formimi akademik duket se kanë ndihmuar që në veprat e Krasniqit të pasqyrohen jo thjesht personazhe historike, por disa individë simbol të atdhedashurisë dhe sakrificës për hir të rezistencës patriotike.
Kur meditojmë për pyetje që ndoshta askush nuk i bën, kuptojmë veç të tjerash se njerëzit, nw njwfarw mwnyrw, nuk krijojnë art. Eshtë koha ajo që brumos artistin dhe i vë penelin në dorë në këtë rast. Pa asnjë reflektim kulturor ato piktura të sjella në jetë, do mbeteshin shumë subjektive. Sërishtmi ato mund të jenë të këndshme për t’u parw, por pa jetën nga ku burojnw. Njerëzimi ende mban patentën për krijimin e artit, por koha bën që njerëzit të identifikohen e bashkohen edhe më shumë nga arti.
Nga ajo që kupton nga një bisedë e shkurtër me mjeshtrin, është se ajo që ne e quajmë “art” në shoqërinë moderne shqiptare nuk është asgjë më shumë se zbukurim, dekor, estetikë pa përmbajtje, pa shpirt. Është shpiri ai që Antoni ndërkall në kanavacë. Shpirti identitar historik. Sepse arti i vërtetë duhet të nxisë një reagim emocional, tek shikuesi.
Një përshkrim drithërues i cilësive të vërteta të artit thotë:
Arti duhet të ngushëllojë të shqetësuarin dhe të shqetësojë komodin. Ky efekt është i shtruar në penelatat e njëmbinjëshme të Krasniqit. E.B /usalvision
Ekspozitat personale të mjeshtrit Anton Krasniqi:
Kosovë – Prishtinë -2020 (Cafe Atele +S).
Kosovë – Prishtinë -2019 (Art Galeri Figura).
Kosovë – Gjakovë -2015 (Art-Restorant &Galeri).
Austri – Ëien -2008 (KHM- Kunsthistorisches Museum).
Austri – Glejsdorf -2008 (MIR -Museum in Rrathaus).
Austri – Gotzendorf -2008 (ZEV -Zentrum Einsatzvorbereitung).
Kosovë – Klinë -2001 ( Poliklinika Mediaja).i
Dhe qindra ekspozita kolektive
Krasniqi ka studion e tij në Prishtine dhe vijon të jetojë ball-lartë me krijimtarinë e tij.
