Kryetari i PD Lulzim Basha, ka nderuar nëpërmjet një statusi në rrjete sociale ish-Sekretarin Amerikan të Mbrojtjes, Donald Rumsfeld, pasi ky i fundit ndërroi jetë një ditë më parë.
Basha shkruan se “Sekretari Rumsfeld do të përkujtohet dhe nderohet përherë si një mik i madh i Shqipërisë dhe i shqiptarëve, kontributi i të cilit ka qenë i paçmueshëm për anëtarësimin e vendit tonë në NATO”.
“Me trishtim mësova ndarjen nga jeta të ish-Sekretarit Amerikan të Mbrojtjes, Donald Rumsfeld, përfaqësues i një plejade të artë vendimmarrësish që e bënë botën më të sigurtë, më të lirë dhe demokratike”, shtoi Basha.
Ndërkaq, kryedemokrati shprehu mirënjohjen dhe nderimin e thellë për “këtë kampion të lirisë”.
Më tej Basha i dedikoi dhe ngushëllimet më të ndjera familjes, miqve e bashkëpunëtorëve të tij dhe popullit amerikan.
“U prehtë në paqe!”, përmbylli statusin e tij, Basha.
