18-vjeçari Afrim Kurti është arrestuar nga policia që gjithashtu ka shpallur në kërkim kushuririn e ti Dëfrim Kurtin 30-vjeç , pasi akuzohen se kanë shantazhuar dhe kanosur nëpërmjet disa fotove intime një grua në Tiranë, për t’i marrë 150 mijë lekë të vjetra.
“150 mijë lekë ose të publikuam fotot në internet”, kështu e shantazhonin dy të rinjtë nënën e dy fëmijëve.
Mësohet se Dëfrim Kurti ka qenë në një lidhje me gruan e divoruar dhe pasi u nda nga kjo e fundit, i mori aparatin celular.
Ai e kërcënonte atë se do i publikonte fotot që ndodheshin në telefon nëse ajo nuk i jepte 150 mijë lekë të vjetra.
Pjesë e këtij plani ishte edhe kushëriri i tij, Afrim Kurti.
Me ndërmjetësimin e Policisë, gruaja la një takim me Dëfrim Kurtin, ndërkohë që lajmëroi edhe Policinë.
Sapo gruaja mbërriti te pika e takimit, policia vuri në pranga Afrim Kurtin, i cili kishte shkuar për të marrë paratë.
Dëfrim Kurti është një emër i njohur për policinë, pasi në vitin 2019 ai u arrestua dhe më pas u la në masën e sigurisë “arrest shtëpie” për vrasjen e shoferit të furgonit Arben Gjeci.
Kjo ngjarje e rëndë ndodhi pasi Gjeci kishte lidhje me bashkëshorten e Kurtit, Elida Cani.
Por, pas hetimeve policia zbuloi se vrasjen e kishte kryer vëllai i Elidës, Esat Cani, ndërsa Kurti vetëm e kishte ndihmuar këtë të fundit.
