Nënkryetari i Lëvizjes Socialiste për Integrim Petrit Vasili ka publikuar një video ku shihen pamjet se si një infermier bën sikur po bën injeksion.
“Keni mundësinë të ndiqni një video, të reklamuar, promovuar nga vetë Edi Rama, ku ju shikoni në video se si stimulohet, tregon se si bëhet shërbimi shëndetësor dhe shikoni se si bën sikur infermieri, por nuk bën injeksion, por bën sikur po bën injeksion”, tha Vasili.
Nënkryetari i LSI e akuzon kryeministrin Edi Rama se “është lakuriq para jush si mashtrues”.
“Ky moment shumë i rëndë, shikoni është shumë tragjike, Edi Rama reklamon se si të mashtroni të sëmurët dhe ky do ti ruajë. Kjo video tregon se Tirja dhe Edi Rama janë e njëjta gjë. Pra Tirja Rama dhe Rama Tirja janë emri dhe mbiemri i njëra-tjetrës. Të jeni shumë të bindur të nderuar qytetarë dhe qytetare, ju do të shkoni në 25 prill. Por përveç shumë gjërave të tjera, ju duhet të mendoni, hallet pa fund tuajat të pazgjidhura, mijëra biznesve të mbyllura që nuk ju dha asnjë ndihmë, mos harroni kurrë këtë video mashtruese.
Kur të shkoni në zgjedhje në 25 prill mund të votoni këto që është zgjidhja juaj, por kurrë një mashtrues që ju tregon të gjithëve, e ju tregon gjithë shqiptarëve që mashtrimi është mënyra e tij të të menduarit. Ai për shqiptarët ka vetëm një zgjidhje, ti gënjejë e mashtrojë, sikur kjo shiringë që bën sikur e shtyp. Mos e harroni kurrë këtë video në 25 prill”, tha Vasili.
