Një debat i fortë u zhvillua midis shefit të Urgjencës, Skënder Brataj dhe sociologut Ergys Mërtiri mbrëmjen e sotme në emisionin ”Open”.
Shkak u bë shërbimi i ofruar ndaj pacientëve të infektuar me Covid në spitale. Sipas Mërtirit nuk është dhënë shërbimi i duhur se sistemi është i kalbur.
Sociologu ka hasur në kundërshtimin e Bratajt, i cili tha që pacientët kanë marrë shërbimin më të mirë të mundshëm dhe këtë e kanë të faktuar nga shumë pacientë që kanë folur.
Pjesë nga debati
Ergys Mërtiri: “Sistemi është i kalbur prandaj dhe shërbimi nuk ka qenë ai i duhuri, prandaj ekzistojnë ato si Tirja e shumë të tjera si ajo, nuk është faji vetëm tek ajo, se në vende të tjera të botës nuk ndodh. Nuk ndodh në Gjermani e Itali që të marrin lekë. Shërbimi juaj i ka shtyrë deri në vetëvrasje ato 5 persona që janë hedhur nga dritaret e spitaleve”.
Skënder Brataj: “Ty të vijë turp që nxjerr këto nga goja ndaj bluzave të bardha, se kanë bërë punën më të mirë për pacientët. Kush je ti që flet se pse janë vetëvrarë ata, ku di gjë ti për depresionin”.
