Katër ditë më parë plagosi me thikë dy persona në një lokal në Kavajë, ka përfunduar në prangat e policisë 45-vjeçari Rizan Aliu.
Pasditen e 17 shtatorit, Aliu hyri në një lokal në Kavajë dhe goditi barbarisht disa herë më thikë një të moshuar.
Fillimisht ai e goditi Besnik Çelmetën me grushta.
Më pas, 45-vjeçari e goditi Çelmetën barbarisht me thikë disa herë.
Në tentativë për të ndërhyrë, i plagosur mbeti edhe pronari i lokalit.
Ngjarja e rëndë ndodhi pasi i moshuari i ishte ankuar disa herë Aliut, pse i hidhte plehrat para shtëpisë së tij.
Njoftimi i Policisë
Zbardhet dhe dokumentohet ngjarja e ndodhur më datë 16.09.2020, në një lokal, ku mbetën të dëmtuar me mjet prerës (thikë) dy shtetas.
Ndalohet 45-vjeçari i shpallur në kërkim për veprat penale “Plagosja e rëndë me dashje” dhe “Mbajtja pa leje e armëve të ftohta”.
Specialistët për Hetimin e Krimit në Komisariatin e Policisë Kavajë, menjëherë pas njoftimit se në Kavajë, në ambientet e një lokali po konfliktoheshin disa shtetas dhe për pasojë dy prej tyre ishin plagosur me mjet prerës (thikë), menjëherë kanë organizuar punën për dokumentimin e plotë të ngjarjes dhe kapjen a autorit.
Si rezultat e një pune të pandërprerë për kapjen e tij, nga shërbimet e Policisë Kavajë u bë e mundur kapja dhe vënia në pranga e autorit të dyshuar të ngjarjes, shtetasit R. A., 45 vjeç, banues në Kavajë.
Ky shtetas, më datë 16.09.2020, dyshohet se pas një konflikti të çastit për motive të dobëta, ka goditur me mjet prerës thikë shtetasin B. Ç. dhe pronarin e lokalit shtetasin M. A., i cili ka ndërhyrë për të parandaluar përshkallëzimin e mëtejshëm të konfliktit.
Materialet do t’i kalojnë Prokurorisë së Rrethit Gjyqësor Kavajë, për veprime të mëtejshme.
Video:https://www.facebook.com/alban.patrioti.3/videos/123331252842552/
