Krejt aksi i rrugës 1.2 km, nga metri i parë i daljes prej Borshit është shkatërruar me çarje e spostim 100% i dalë jashtë funksionit; jo nga tërmeti, apo aktet terrosiste, por nga pazaret që menaxhon xhambazi i firmës “Salillari shpk” .
Mëngjesin e datës 8 janar 2021, banorët e zonës së Borshit, Çoraj e Fterrë, por dhe krejt ata që shfrytëzojnë segmentin e bregut Himarë-Lukovë-Sarandë, janë gjendur përballë rrugës së vidhisur.
Ky aks rruge, është bërë gërmadhë pas disa orësh shi, për shkak se firma “Salillari”, nuk ka zbatuar projektin, për të kryer punimet me cilësi të lartë në trasenë e rrugës; dhe nuk ka zbatuar projektin për plinta-bazamentet anësore.
Rruga e Borshit nisi më 20 janar 2020, me një video “3D” të kryeministrit Rama dhe me reklamat e drejtorit të FSHZH, Dritan Agollim bërë në mediat e pushtetit, duke e servirur si model rruge me standarde europiane, që do ta ndërtonte Pëllumb Salillari.
Kjo rrugë me gajtësi 1.2 kilmetër, kushtoi 14.5 milionë Euro me gjithë rikonstruksion-ndërtimin me garanci punimesh për 10 vite e mirëmbajtje (PPP), për 5 vite nga vetë firma “Salillari “shpk”, nën maskën e gjoja standardit dhe kulifikimit: “Rrugë panoramike turistike bregdetare”.
Mirëpo, kjo rrugë me garanci punimesh për 10 vite, rezistoi vetëm 5 muaj dhe u vidhis e shkoi në humnerë qysh nga shiu i parë që ra; ndërkohë që firma “Salillari” si koncesionare mirëmbajtëse e saj, nuk ka shkuar akoma në vendngjarje.
