Një kompani shqiptare që ka ndërtuar reputacionin e saj mbi cilësinë, korrektësinë dhe përkushtimin për t’i shërbyer shëndetit të njerëzve
Në një treg ku fjala “besim” vlen më shumë se çdo gjë tjetër, “Incomed” është një nga ato kompani që e ka fituar me punë dhe integritet. E themeluar në vitin 2009 nga mjeku Gentian Kreka, kjo kompani shqiptare e importit farmaceutik prej 17 vitesh është kthyer në një pikë referimi për cilësinë dhe korrektësinë në fushën e shëndetësisë.
Historia e “Incomed” është ajo e një mjeku që njohu nga afër sistemin, sfidat dhe boshllëqet e tij dhe vendosi të ndërhynte me mënyrën më të ndershme të mundshme: duke ofruar produkte farmaceutike të sigurta dhe me standard ndërkombëtar. Gentian Kreka, që për 13 vite ka punuar si mjek pneumolog, e nisi këtë rrugëtim me shumë sakrifica, por me një qëllim të qartë: të krijonte një kompani që të mbështetej mbi etikë profesionale dhe vlera reale.
Sot, “Incomed” numëron rreth 50 punonjës dhe operon me një strukturë solide, me qendër në Tiranë dhe një rrjet shpërndarjeje në të gjithë Shqipërinë. Kompania furnizon spitale private dhe shtetërore me një gamë të gjerë produktesh farmaceutike, të importuara nga firmat më të njohura ndërkombëtare, emra që garantojnë cilësi dhe siguri për mjekët dhe pacientët.
Në tregun shqiptar, “Incomed” është bërë sinonim i korrektësisë. Nga mënyra si trajton partnerët, te ritmi i furnizimeve dhe kujdesi për detajet, kompania ka ngritur një standard që e dallon qartë nga të tjerat. Kjo është arsyeja pse sot konsiderohet një nga distributorët farmaceutikë më të njohur dhe më të respektuar në vend.
Pas më shumë se një dekade e gjysmë në treg, “Incomed” vazhdon të ecë me të njëjtin frymë: punë me përgjegjësi, produkte me garanci dhe respekt për jetën njerëzore. Sepse në thelb të çdo suksesi të saj qëndron gjithmonë e njëjta filozofi, se mjekësia nuk është vetëm profesion, por mision për të bërë mirë.
