Kryeministri Edi Rama u prit në një ceremonial të veçantë në Turqi. Në këto pamje, mund të shihni një paradë të forcave ushtarake turke, ku vërehen kalorësit me kuaj dhe ushtarët e veshur me uniformën e vjetër të osmane. Kryeministri ynë, Edi Rama, parakaloi në tapetin blu, bashkë me presidentin turk, Rexhep Tayip Erdogan, ku u përkul para ushtarëve turq të veshur me uniformë osmane dhe i përshëndeti turqisht: Merhaba asker! (Përshëndetje ushtarë)
Kryeministri i Shqipërisë, Edi Rama, parakaloi në tapetin blu, bashkë me presidentin turk, Rexhep Tayip Erdogan.
Kryeministri Edi Rama ndodhet në një vizitë dyditore në Turqi me ftesë të presidentit turk, Rexhep Tayip Erdogan. Vizita ka në fokus sipas mediave turke, rishikimin e marrëdhënieve mes dy vendeve, duke hedhur hije dyshime për një ftohje të raportit Rama-Erdogan, pas vendimit të Greqisë për t’u zgjeruar me 12 milje në Detin Jon. Një ditë para se Rama të nisej në Turqi, pati edhe një telefonatë nga Athina zyrtare, ku ministri i Jashtëm, Nikos Dendias komunikoi me kryeministrin shqiptar në lidhje me detin.
