Një nga episodet më të debatueshme të jetës së Ali Pashë Tepelenës lidhet me rrëmbimin e nënës dhe motrës së tij nga fshatarët e Hormovës, kur ai ishte ende shumë i ri. Në thelb të këtij konflikti qëndronte rivaliteti i njohur mes familjes së Meçohysajve, nga e cila rridhte edhe Ali Pashë Tepelena, për pronat e Tepelenës dhe të ardhurat nga mbrojtja e krahinës së Rrëzës. Hormova, fshati më i madh dhe më i fuqishëm i kësaj krahine, ishte pjesë e sistemit të patronazhit të familjes Meçohysaj, e cila ushtronte kontroll mbi krahinën.
Në një moment të caktuar pas vdekjes së babait dhe xhaxhait, kur ishte vetëm 14 vjeç, Aliu gjendet i pafuqishëm dhe, ndërsa banorët e Hormovës tentojnë të ndryshojnë aleancë, ata i rrëmbejnë Aliut të ëmën dhe motrën. Përgjatë historisë, me këtë moment është abuzuar shpesh, pasi pretendohet se motra dhe nëna e tij janë keqtrajtuar seksualisht.
Por, historiani Dorian Koçi shprehet në Apostrof Podcast se diçka e tillë nuk gjen mbështetje në realitet.
“E gjithë kjo lloj, thashethemnaje, që më vonë jep François Pouqueville në librin e vet për keqtrajtimin e tyre edhe nga ana seksuale nuk rezulton që të jetë e vërtetë, për një arsye shumë të thjeshtë, sepse motra e Ali Pashë Tepelenës martohet pikërisht tek Asllan-pashallinjtë e famshëm, te familja Libohova. Dhe do të ishte e pamundur, që gjyshi i Myfit Bej Libohovës të merrte për grua shan i Shanishanë që, sipas pretendimeve të Pouqueville-it apo te udhëtarëve të tjerë, ishte keqtrajtuar në mënyrë të tillë.”
Historiani thekson se këto thashetheme u shfaqën vetëm pas vdekjes së Ali Pashës në vitin 1822, kur ai nuk kishte më as pushtetin dhe as familjen për ta mbrojtur reputacionin e tij.
“Arsyet se përse më vonë ngrihet ajo që në histori mund të quhet si një operacion ideologjik mbi errësimin e një figure historike siç ishte Ali Pasha, lidhet ngushtë me hierarkinë dhe ndarjen e pushtetit politik, religjioz dhe kulturor më vonë në Epir. Pra, në librin e parë që jep Pouqueville-i në 1805-n, kur Ali Pasha është gjallë, nuk shkruan asnjë gjë nga këto, dhe në botimin e tretë që ai bën në 1825-n, kur Ali Pasha tashmë nuk ekziston më, është vrarë dhe familja e tij nuk është më aq e rëndësishme, ainxjerr këtë version të tretë që, fatkeqësisht në shqip është botuar versioni i tretë. Pra, nuk kemi një qasje analitike të vëllimit të botimit para 1805, pastaj atij të 1815-ës dhe të 1825-ës.”.tema
