Personi që ka sulmuar fizikisht gazetarin Valon Syla, është dorëzuar në Policinë e Kosovës.
Lajmin e ka konfirmuar zëdhënësi i Policisë së Kosovës për Rajonin e Prishtinës, Bajram Krasniqi.
“Lidhur me rastin e sulmit ndaj një gazetari, ju njoftojmë se në polici është lajmëruar një person i dyshuar. Policia është duke u marrë me kompletim e rastit. Në koordinim me prokurorin kompetent do të vazhdohet trajtimi i rastit”, bëri të ditur Krasniqi.
Gazetari Valon Syla është sulmuar sot fizikisht në Prishtinë. Ditë më parë, ai kishte bërë një deklaratë për mërgimtarët dhe ardhjen e tyre në Kosovë, e cila kishte nxitur debat të madh në rrjetet sociale.
