I ftuar në programin “Spotlight” mbrëmjen e djeshme pedagogu Rezart Prifti, ka folur në lidhje me protestat e javës së fundit për shkak të ‘eliminimit’ të Klodian Rashës nga punonjësi i policisë. Në fjalën e tij, pedagogu dënoi ashpër veprimet e të rinjve gjatë protestave dhe dëmtimin e pemës së Krishtlindjeve, kazanëve të plehrave, semaforëve dhe kaosin e shkaktuar në kryeqytet. Por ajo çka ra në sy në ligjërimin e tij, ishte pikërisht përdorimi i një terminologjie të rëndë dhe fyese për rininë shqiptare, pasi tha se ata vijnë nga getot dhe nga llumi i Astirit. I habitshëm një ofendim i tillë i rinisë shqiptare nga ana e pedagogut dhe paralelizmi mundet fare mirë të bëhet me kulturën e rrugës.
