Shifrat e infektimeve nga COVID19 në ditët në vazhdim do të diktojnë jo vetëm masat e reja shtesë, por edhe datën se kur do të rihapen shkollat për vitin 2021.
Që këto pushime dimërore do të jenë më të gjata se asnjëherë, kjo nuk ka dyshim, por ekspertët e arsimit po vlerësojnë nëse do t’i lënë fëmijët në shtëpi trI javë apo një muaj.Ky është ende objekt diskutimi midis ekspertëve të shëndetësisë dhe atyre të arsimit, të cilët duhet të peshojnë mirë vendimin pas kufizimeve shtesë që pritet të vendosin sot për të gjithë qytetarët.
Ishte ministrja EvisKushi ajo që bëri me dije dy datat që po mendohen. Dhe sigurisht, nuk është 4 janari i vitit 2021, ai i paracaktuar në urdhrin për fillimin e vitit shkollor, data e uljes së nxënësve të arsimit parauniversitar në shkolla. “Pushimet dimërore do të jenë pak më të gjata këtëvit. Në fillim të vitit shkollor u parashikua që në datën 4 janar fillon 3-mujori i dytë. Por, ne në bashkëpunim me Ministrinë e Shëndetësisë dhe komitetin e ekspertëve kemi menduar që të zgjatet kjo periudhë dhe akoma nuk e kemi vendosur nëse do të jetë data 11 apo 18 janar fillimi i shkollës, por shumë shpejt, në ditët e para të javës do ta kemi këtë vendimmarrje. Dinamika e pandemisë do të ndikojë atë”, deklaroi numri një i Ministrisë së Arsimit.
PËR UNIVERSITETET
Ndryshe nga nxënësit e parauniversitarit, të cilët minimalisht ditë ndër ditëe kanë prekur shkollën, për studentët, nuk ka ende një vendim. Qoftë për vazhdimësinë e mësimit online apo periudhën e pushimeve. Duke qenë se ekspertët shëndetësorë janë ata qëmarrin vendim për ta, ministres së Arsimit i mbetet veçse të shpresojë. “Ne do ta ndjekim ecurinë e pandemisë, por vendimin e merr komiteti i ekspertëve dhe Ministria e Shëndetësisë, e cila na sugjeron se çfarë hapash duhet të ndjekim. Jemi në komunikim të ngushtë me ta. Ne do të dëshironim që sa më shpejt studentët t’i rikthenim në auditorë, por kjo është një pandemi globale dhe po ta vini re në të gjithë botën mësimi nëpër universitete po zhvillohet online. Le të shpresojmë që situata do të përmirësohet”
MËSIMI ONLINE
Edhe ministrja bie dakord qëmësimi onlinenuk është i njëjtë me atë në shkolla, por mbetet alternativa më e mirë deri në përmirësim të situatës. ”Natyrisht që efikasiteti i mësimit online nuk është njësoj si mësimi që bëhet në bankat e shkollës apo auditorët e universitetit. Ne për këtë jemi shumë të ndërgjegjshëm. Por,është një sakrificë që duhet ta bëjmë në kushtet kur prioritet ka shëndeti i njerëzve”, deklaron Kushi duke shtuar se ndryshe nga fundi i vitit që shkoi, nxënësit e studentët ndodhen në të tjera kushte tanimë. Me platformë e kanal dedikuar të rinjve, që sipas saj, janë familjarizuar shpejt.
“Universitetet që në fillim të këtij viti i morën masat në lidhje me programet dhe sistemet që duhet të aplikonin për të garantuar mësimin online, po ashtu edhe arsimin parauniveristar. ‘Akademi. al’ dhe platforma dedikuar shkollës ndihmojnë për mbarëvajtjen emësimit, megjithë vështirësitë që mund të hasen. Nuk është më e mira e mundshme, por shpresoj t’i kthehemi sa më shpejt normalitetit”. Prej 2 dhjetorit, të gjitha shkollat e arsimit parauniversitar, përveç klasave të para e të fundit, po zhvillojnë mësimin e alternuar midis prezencës fizike në klasë dhe mësimit në kushte shtëpie. I gjithë procesi ështëshoqëruar me ankth e pasiguri, si në aspektin social dhe atë shëndetësor
