Me lot në sy Lavdie Nela po bën homazhe tek busti i bashkëshortit të saj, Havzi Nela.
Këtë 10 gusht bëhen 36 vite nga vrasja e autorit të mijëra vargjeve.
Drejtësia për të nuk u bë kurrë!
Shkrimtari Petrit Palushi, e cilëson 10 gushtin e 1988-ës si ditë tragjike për Kukësin dhe Shqipërinë!
Havzi Nela u ekzekutua mëngjesin e 10 gushtit 1988 duke u varur në mes të qytetit.
Ai u la mizorisht i varur në qytet për rreth 24 orë për tu varrosur më vonë vertikalisht nga komunistët.
Vendi i varrosjes u mësua vetëm në vitin 1993, pas shumë përpjekjeve të familjarëve të tij, ndërsa Nela është shpallur “Dëshmor i Demokracisë” me dekret Presidencial.
