Margerita Xhepa feston ditëlindjen, në ceremoni me figurat
Margarita Xhepa, ikona e teatrit dhe kinematografisë shqiptare ka festuar dje ditëlindjen e 90-të. Ajo, e rrethuar nga miq e dashamirë duket e lumtur në foto.
Margarita Xhepa ka rreth njëqind produksione në teatër e kinema në CV-në e saj por kjo nuk e pengon të jetë në formë.
Edhe Ministri për Kulturën Blendi Gonxhja ka marrë pjesë në ceremoni duke e uruar ikonën e “Gjeneral gramafonit” në rrjetin social facebook. Më poshtë urimi i plotë.
“Margarita Xhepa, ikona e kinematografisë e teatrit shqiptar, feston sot 90-vjetorin e ditëlindjes! Artistja e cila i dha jetë e përjetësoi aq shumë personazhe që jam i bindur, janë skalitur thellë në kujtesën e miliona shqiptarëve.
Kush ka pasur fatin ta njohë nga afër Margaritën, e di edhe më mirë se çdo personazhi i ka dhënë aq shumë nga vetja, duke përcjellë në rolet e saj urtësinë, qetësinë e dhembshurinë, klasin e finesën.”
